मोरङमा गरगहना र नगद चोरी गरेको आरोपमा एक जना पक्राउ परेका छन् । पक्राउ पर्नेमा विराटनगर महानगरपालिका- १३ का १८ वर्षीय विवेक कामत रहेका छन् । 

विराटनगर ८ मधुमाराका राजेश साहको घरबाट गत असार २९ गते राती सुनका विभिन्न गरगहना र नगद ४६ हजार चोरी भएको थियो । घरमा चोरी भएको सूचनाका आधारमा जिल्ला प्रहरी कार्यालय मोरङबाट खटिएको प्रहरी टोलीले कामतलाई चोरीका सामान र नगद सहित पक्राउ गरेको हो । पक्राउ परेका कामतलाई मोरङ जिल्ला अदालतबाट चोरी कसुरमा म्याद थप गरी अनुसन्धान अघि बढाइएको छ ।