२०७८ माघ ५ गते , बुधवार

भारतमा एकै दिन थपिए एक लाख ७९ हजार कोरोना संक्रमित

भारतमा एकै दिन थपिए एक लाख ७९ हजार कोरोना संक्रमित :: Times of Pradesh

एजेन्सी । भारतमा गत २४ घण्टामा कोरोना भाइरसबाट थप एक लाख ७९ हजार ७२३ संक्रमित भएका केन्द्रीय स्वास्थ्य र परिवार कल्याण मन्त्रालयले सोमबार जानकारी दिएको छ। यसैसँगै भारतमा कोरोना सुरु भएदेखि हालसम्म तीन करोड ५५ लाख २८ हजारभन्दा बढी संक्रमित भएका छन्।

हाल चार हजार ३३ जना ओमिक्रोनका संक्रमित रहेको मन्त्रालयले सोमबार जानकारी दिएको छ। भारतमा अहिले संक्रमित अवस्थामै रहेकाको संख्या सात लाख २३ हजार ६१९ रहेका छन्। गत २४ घण्टामा भारतमा ४६ हजार ५६९ कोरोनाबाट मुक्त भएका छन्। यसैसँगै कोरोना सुरु भएयता हालसम्म तीन करोड ४५ लाख १७२ जना संक्रमणमुक्त भएका छन्। यहाँ कोरोना भाइरस निको हुने दर ९६ दशमलब ६२ प्रतिशत रहेको जनाइएको छ।

उक्त अवधिमा थप १४६ को कोरोनाबाट मृत्यु भएको छ। यसैसँगै भारतमा कोरोनाका कारण ज्यान गुमाउने व्यक्तिको संख्या चार लाख ८३ हजार ९३६ जना पुगेको मन्त्रालयले थप जानकारी दिएको छ। कोरोना सुरु भएदेखि हालसम्म ६९ करोड १५ लाखभन्दा बढी व्यक्तिको कोरोना परीक्षण भएको छ। यहाँ सन् २०२१ को जनवरी १६ बाट कोरोना भाइरसविरुद्ध खोप अभियान सुरु भएको थियो। सो समयदेखि हालसम्म एक अर्ब ५१ करोड ९४ लाख ५ हजारभन्दा बढी डोज खोप लगाइएको छ।




टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment