२०७८ मंसीर १२ गते , आईतवार

माधव चुनाव लड्दैनन्, प्रचण्ड जित्दैनन् : केपी शर्मा ओली

माधव चुनाव लड्दैनन्, प्रचण्ड जित्दैनन् : केपी शर्मा ओली :: Times of Pradesh

झापा । नेकपा एमालेका अध्यक्ष केपी शर्मा ओलीले माधवकुमार नेपाल आगामी निर्वाचन नलड्ने बताएका छन्।अध्यक्ष ओलीले नेपाल समानुपातिकमा बस्ने ठोकुवा गरे। आइतवार गृह जिल्ला झापा आएका अध्यक्ष ओलीले बिर्तामोडमा आयोजित पार्टी प्रवेश कार्यक्रमलाई सम्बोधन गर्दै माओवादी केन्द्रका अध्यक्ष पुष्पकमल दाहाललाई चुनाव जितेर देखाउन च्यालेन्ज गरेका छन्।

आफूहरुसँग टाँसिएर प्रचण्डले चुनाव जितेको बताउँदै अध्यक्ष ओलीले भने, ‘प्रचण्डको फूर्ति हामीले बनाइदिएको हो, हामीबिना चुनाव जितेर देखावस त रु’ केही सांसदहरूको दम्भमा मोर्चा बनाएको भन्दै ओलीले सरकार बन्ने तीन महिना लगाउनेलाई आगामी चुनावमा कसैले मत नदिने बताए।

‘मोर्चा विनाशकारी तत्त्व हो। यिनीहरू विध्वंशकारी तत्त्व हुन्, भड्काउने तत्त्व हुन्, अस्थिरता निम्ताउने तत्त्व हुन, स्थिरता ल्याउने तत्त्व होइन,’ उनले भने, ‘अब यिनलाई कसले भोट दिन्छ, जाउन् अदालत परमादेश ल्याउन आओस्, हामी कहाँ किन आउनु पर्‍यो।’

नेकपा एमाले देशकै ठूलो पार्टी भएको दाबी गर्दै उनले अरु पार्टीभन्दा नेकपा एमाले एक दिशामा हिँडेको, एउटा गन्तव्य, नीति, कार्यक्रममा लागि योजना तथा लक्ष्य बोकेको पार्टी भएको बताए। एमाले पार्टी बिग्रिएका तत्त्वहरूलाई थुपारेर अघि बढ्ने पार्टी हो।  ‘माधव नेपालबाहेक अरू साथीहरु पार्टीमा फर्किए हुन्छ, भ्रममा नपर्नुहोस्,’ उनले भने, ‘तर माधव नेपालजस्ता अपराधी तत्त्वलाई फेरि एमालेले लिँदैन।’

कार्यक्रममा स्थायी समिती सदस्यहरु सुवासचन्द्र नेम्वाङ, लेखराज भट्ट र केन्द्रीय सदस्य प्रभू साहलगायतको उपस्थिती थियो। सो कार्यक्रममा माओवादी पार्टी परित्याग गरी झापाका चर्चित मेडिकल व्यवसायी दुर्गा प्रसाईलगायत दुई हजार बढी कार्यकर्ता एमालेमा प्रवेश गरेका थिए।  



टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment