२०८१ बैशाख २१ गते , शुक्रबार
भाइको कुटपिटबाट दाजुको मृत्यु
सङ्खुवासभाको सभापोखरी गाउँपालिका- ३ एथुम्बु स्थितमा भाइको कुटपिटबाट दाजुको मृत्यु भएको छ । शुक्रबार अपराह्न ५ बजे स्थानीय ४१ वर्षीय सनमान राई (बोल्न नसक्ने) लाई सामान्य घरायसी विवादको क्रममा उनका भाइ ३८ वर्षीय प्रवीण राईले कुटपिट गरेका थिए । घाइते भएका दाजुका बेलुका साढे ८ बजे आफ्नै घरमा मृत्यु भएको जिल्ला प्रहरी कार्यालय सङ्खुवासभाले जनाएको छ । घटनामा संलग्न भाइलाई प्रहरीले नियन्त्रणमा लिएको छ ।