२०७८ बैशाख २४ गते , शुक्रवार

माई खोलामा पौडी खेल्न गएका एक युवकको डुबेर मृत्यु

माई खोलामा पौडी खेल्न गएका एक युवकको डुबेर मृत्यु :: Times of Pradesh

झापा । झापामा पौडी खेल्ने क्रममा एक युवकको मृत्यु भएको छ । मृत्यु हुनेमा  शिवसताक्षी नगरपालिका ८ डुडामारीका २८ वर्षीय जीवन थाम्सुहाङ रहेको प्रहरी कार्यालय झापाले जनाएको छ ।  सोमबार बेलुका साढे ५ बजे शिवसताक्षी नगरपालिका १० स्थित माई खोलामा थाम्सुहाङ साथीहरूसँग पौडी खेल्न गएका थिए ।

पौडी खेल्ने क्रममा माई खोलाको बाधबाट बगी उनी बेपत्ता भएका थिए । बेपत्ता भएपछि इलाका प्रहरी कार्यालय झिलझिले र अस्थायी प्रहरी पोस्ट माईधारबाट प्रहरी टोली खटिएका प्रहरी टोलीले  खोजतलास गर्दा बेलुका साढे ७ बजे बगेको ठाउँबाट अन्दाजी ५०० मिटर दक्षिण उनको शव फेला पारेको प्रहरी कार्यालय झापाले जनाएको छ ।  



टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment