२०७८ बैशाख ७ गते , मंगलवार

तेस्रो लिङ्गीको जीवनमा आधारित 'मनचरी' म्युजिक भिडियो सार्वजनिक

तेस्रो लिङ्गीको जीवनमा आधारित 'मनचरी' म्युजिक भिडियो सार्वजनिक :: Times of Pradesh

झापा । समाजमा फरक पहिचान बोकेका तेस्रोलिङ्गीहरु अझै पनि लुकिछिपी बाँच्न विवश छन् । हाम्रो जस्तो समाजमा उनीहरू खुलेआम सामाजिक कार्यमा सहभागी हुन समेत अप्ठेरो मानिरहेका हुन्छन् । समाजमा भोग्नुपर्ने तितो अनुभवहरूलाई समेटिएको तेस्रो लिङ्गीको जीवनमा आधारित 'मनचरी' म्युजिक भिडियो युट्युबमा सार्वजनिक गरिएको छ ।

आदेश पौडेलको स्वर, शब्द र सङ्गीतमा बनेको 'मनचरी' गीतमा निर्देशक विशाल शर्माले तेस्रो लिङ्गीको कथावस्तुलाई  उठाउन खोजेका छन्। महिला र पुरुष जस्तै समान अधिकार र माया तेस्रो लिङ्गीहरूले यो समाजमा त्यो अनुभव गर्न पाएका छैनन् भन्ने कुरालाई म्युजिक भिडियोको कथामा देखाउन खोजिएको छ।

गीतको छायाङ्कन भद्रपुर र बिर्तामोडका विभिन्न स्थानमा गरिएको थियो । गीतलाई एरेन्ज राहुल विश्वकर्माले गरेका छन् भने मिक्स मास्टर राजीव एन्ड्र्यु श्रेष्ठले गरेका छन्। गीतलाई सरोज श्रेष्ठले छायाङ्कन गरेका थिए । गीतको सम्पादन जेसन लोप्चनले गरेका छन् ।  गीतको म्युजिक भिडियो बिहीबार आदेश पौडेलको युट्युब च्यानलबाट सार्वजनिक गरिएको छ ।

https://www.youtube.com/watch?fbclid=IwAR2upbmsl_f7wOU0CEs2b7QyF6jWARD5j3IyKlgEv7ljTyMCkCKiKNlrw-8&v=y3dt2B3OFFQ&feature=youtu.be

 



टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment